സൈക്കിൾ റേസിങ്ങ് പോകുന്നുണ്ടോ !നിങ്ങൾക്ക് SR ആവണോ?

വൈറും സൈക്കിൾ ചവിട്ടലല്ല - ചവിട്ട് വേറെ ലെവലിലേക്ക് മാറി കൊണ്ടിരിക്കാ..... പക്ഷേ റേസിങ്ങ് ഒന്നും അല്ല ! സ്വന്തം കഴിവ് / കപ്പാസിറ്റി തിരിച്ചറിയാനും അതിന് ഒരു അംഗീകാരം ലഭിക്കാനുമുള്ള ഒരു ഇവൻ്റ് .

ഫ്രാൻസിൽ വർഷങ്ങൾക്ക് മുൻപ് തുടങ്ങിയ ഒരു മത്സരമാണിത്, BRM - Brevets de Randonneurട Mondiax,

BRMൽ മൽസരിക്കുന്നവരെ Brevet എന്നും പറയുന്നു .ഒരു നിശ്ചിത ദൂരം നിശ്ചിത സമയം കൊണ്ട് പൂർത്തിയാക്കുക എന്നതാണ് ഇതിലെ ലക്ഷ്യം.

ACP (Audax Club Parisien - France) എന്ന ക്ലമ്പാണ് ലോകമെമ്പാടും BRM സംഘടിപ്പിക്കുന്നത് .
ഇതിൽ 200, 300,400,600 kms എന്നിങ്ങനെയാണ് ACP  അംഗീകരിച്ച കാറ്റഗറികൾ.എന്നാൽ ചില സംഘാടകർ 100 km  മത്സരം നടത്താറുണ്ട് അത് ആളുകളെ ഇതിലേക്ക് ആകർഷിക്കുന്നതിന് വേണ്ടിയാണ്
ഒരു BRM വിജയിച്ചാ പിന്നെ Randoners ആവാം.
ഒരു കലണ്ടർ വർഷത്തിൽ ( Nov- Oct) ആദ്യ നാല് കാറ്റഗറി  200/300/400/600 പൂർത്തിയാക്കുന്നവരെ SR (Super Randonneur ) എന്നു വിളിക്കും.

AIR -Audax India Randonneurs എന്ന സംഘടന ഇന്ത്യയിൽ ACP - France അംഗീകാരത്തോടെ BRM ഇവൻ്റ് നടത്തുന്നു.AlR ഓരോ ക്ലമ്പുകളെ ഇതു നടത്താൻ ചുമതലപ്പെടുത്തിയിട്ടുണ്ട്. കേരളത്തിൽ തിരുവനന്തപുരം , കൊച്ചി, കോഴിക്കോട് തുടങ്ങിയ സ്ഥലങ്ങളിൽ വിവിധ ക്ലമ്പുകൾ BRM സംഘടിപ്പിക്കുന്നു.

നമ്മുടെ കപ്പാസിറ്റിയാണ് ഇവിടെ അളക്കുന്നത്- വേഗതയല്ല ' നിശ്ചിത സമയം കൊണ്ട് നിശ്ചിത ദൂരം പൂർത്തിയാക്കലാണ് ലക്ഷ്യം.
സ്വന്തം കഴിവു കൊണ്ട് ജയിക്കണം.
സാഹോദര്യത്തോടെ മത്സരിക്കാം.

AIRൽ ഒരു വർഷത്തേക്ക് 750 രൂപ നൽകി രജിസ്റ്റർ ചെയ്യാം ഒരു BRM ന് 250 രൂപയാണ് അക്കേണ്ടത് ഒരു വർഷത്തേക്ക് ഒരുമിച്ച് അടച്ചാൽ ആ വർഷത്തെ എല്ലാ ഇവൻറിലും പങ്കെടുക്കാം _ നിങ്ങളുടെ ലൊക്കേഷനിൽ  ഇവൻറ് നടത്തുന്ന  സംഘാടകരെ ബന്ധപ്പെട്ട് അവരുടെ  ഫീസും (500- 2000 ) അടക്കണം.

ഇലക്ട്രിക്ക് / മോട്ടോർ ഘടിപ്പിച്ച സൈക്കിൾ ഉപയോഗിക്കാൻ പാടില്ല.
ഹെൽമറ്റ് മുഴുവൻ സമയവും ധരിച്ചിരിക്കണം.
റൈഡർ ഒരു libelity Insurence എടുത്തിരിക്കണം
Brevet Card_ ഓരോ പോയിൻ്റിൽ എത്തുമ്പോൾ ഇതിൽ സീൽ ചെയ്യണം, ഇവൻ്റ് തീരും വരെ സൂക്ഷിക്കണം.
Brevet route (Cue Sheet) ഇതിൽ റൂട്ടും ലൊക്കേഷനുകളും, ചെക്ക് പോയിൻ്റുകളും ഉൾപ്പെടുത്തിയിട്ടുണ്ടാവും. ഇതിൽ പറഞ്ഞ റൂട്ടിലൂടെ സഞ്ചരിക്കണം.

രജിസ്റ്റർ ചെയുമ്പോൾ മറിക്കുന്ന റൈഡർ നമ്പർ സൈക്കിളിൻ്റെ മുന്നിലും പിന്നിലും ലാമിനേറ്റ് ചെയ്ത് ഘടിപ്പിക്കണം.
aero -bars ഹാൻഡലിൽ ഉപയോഗിക്കാൻ പാടില്ല
രാത്രി റൈഡിന് ഹെഡ്ലൈറ്റ് - ബ്ലിങ്കർ നിർബന്ധമാണ്/ റിഫ്ളക്ടർ ബാൻഡുകൾ ധരിച്ചിരിക്കണം. പുറത്തു നിന്നുള്ള സഹായം ഉണ്ടാകാൻ പാടില്ല. സംഘാടകർ ഗ്രൂപ്പായി തുടങ്ങിയാലും
ഓരോരുത്തർക്കും സ്വന്തം വേഗതയിൽ റൈഡ് ചെയ്യാം. ആളുകൾ ഇല്ലാത്ത ചെക്ക് പോയിൻ്റിൽ സ്വന്തം ATM കാർഡ് ഉപയോഗിച്ച് ഒരു സ്ലിപ്പ് എടുക്കണം / selfi എടുക്കണം - നിർദ്ദേശങ്ങൾ സംഘാടകർ പറയും.

വിവിധ ഇവൻ്റുകളുടെ സമയപരിധി താഴെ കൊടുത്തിട്ടുണ്ട്!
200 km - 13:30 മണിക്കൂർ
300 km - 20:00 മണിക്കൂർ
400 km - 27:00 മണിക്കൂർ
600 km - 40:00 മണിക്കൂർ
1000 km -75:00 മണിക്കൂർ
1200 km - 90:00 മണിക്കൂർ

ഉദാഹരണം പറഞ്ഞാൽ 200 km  നിങ്ങൾ 13:30 മണിക്കൂർ കൊണ്ട് പൂർത്തിയാക്കണം. ഇതിനിടയിൽ നിങ്ങളുടെ വിശ്രമം -ഭക്ഷണം എല്ലാം ഉൾപ്പെടണം. സംഘാടകർ 15 km ശരാശരിയിലാണ് സമയം നിജപ്പെടുത്തിയിരിക്കുന്നത് .എന്നാൽ
പരമാവധി 20 km ശരാശരി വേഗതിയിൽ റൈഡ് ചെയ്യുന്നതാണ് നല്ലത്. അത്യാവശ്യം ന്യൂട്രീഷ്യൻ വസ്തുക്കൾ / ഉപ്പ് - പഞ്ചസാര നാരങ്ങ ചേർത്ത വെള്ളം (ORS) കരുതാം. പഞ്ചർ കിറ്റ്/അഡീഷണൽ ട്യൂമ്പ് - ഹാൻഡ് പമ്പ് എന്നിവ കരുതാം. പഞ്ചറായാൽ പുതിയ ട്യൂമ്പ് ഇടുന്നതാണ് നല്ലത്.

ഓരോ ചെക്ക് പോയിൻറിലെത്തുമ്പോൾ കാർഡിൽ സീൽ ചെയ്ത്  സമയം രേഖപ്പെടുത്തും.
നിയമങ്ങൾ തെറ്റിക്കുന്നവരെയും കള്ളത്തരങ്ങൾ ചെയ്യുന്നവരെയും മത്സരങ്ങളിൽ നിന്ന് അയോഗ്യരാക്കും.

പൂർത്തിയാക്കുന്നവർക്ക് സർട്ടിഫിക്കറ്റ് ലഭിക്കും മെഡൽ ആവശ്യമുള്ളവർക്ക് അവരുടെ സൈറ്റിൽ അപേക്ഷ നൽകി പൈസ നൽകി വാങ്ങാം. ഒരു കലണ്ടർ വർഷത്തിൽ ആദ്യത്തെ നാല് കാറ്റഗറി വിജയിക്കുന്നവർക്ക് SR - Super Randonneur മെഡലും ലഭിക്കും.

ആർക്കും പങ്കെടുക്കാം!

15-18 വയസിന് ഇടയിൽ ഉള്ളവർക്ക് 200 km ൽ മാത്രം മൽസരിക്കാൻ സാധിക്കൂ കൂടാതെ അവരുടെ രക്ഷിതാവിൻ്റെ സമ്മതപത്രം വേണം - കൂടാതെ രക്ഷിതാവും റൈഡിൽ പങ്കെടുക്കണം.

അപ്പൊ എങ്ങിനാ..... ഒരു പിടി പിടിക്കല്ലേ.....!

........സിം രാജ്........