ആദ്യത്തെ MTB - ഒരു കറുത്ത തെരുവ് പൂച്ച

ഹൈസ്‌ക്കൂൾ  ക്ലാസുകളിൽ പഠിക്കുബോഴാണ് കുറച്ച് വലിയ സൈക്കളിനോട് മോഹം തുടങ്ങിയത്.... മോഹം മമ്മി വഴി പപ്പയിലേക്കെത്തി .... അവസാനം തീരുമാനമായി... അന്നത്തെ കാലത്ത് BSA യുടെ സൈക്കിൾ ആണ് എല്ലാവരും വാങ്ങാറ് - അത് വാങ്ങാം എന്ന ഉദ്ദേശ്യത്തിലായിരുന്നു പപ്പ .കൂട്ടുകാരനായ രന്ദീപ്‌ അന്ന് ഒരു ഗിയർ സൈക്കിൾ വാങ്ങിയിരുന്നു. അക്കാലത്ത് ഗിയർ സൈക്കിൾ പ്രചാരമായി വരുന്നു.

   അന്നും ഇന്നും കുന്നകുളത്തെ സൈക്കിൾ കട എന്നു പറഞ്ഞാൽ ചാക്കപ്പായി സൈക്കിൾസ് ആണ്. നേരെ കടയിലേക്ക് ,കടക്കാർ സൈക്കിൾസ് കാണിച്ചു കൊണ്ടിരുന്നു എന്നാലും എൻ്റെ കണ്ണുടക്കിയത് ഒരു കറുത്ത തെരുവു പൂച്ചയിൽ ( BSA - Street Cat) സാധാരണ ഹാൻഡലിന് പകരം ബാർ ഹാൻഡിൽ, കൂടെ വേറൊരു കൊമ്പൻ ബാറും - ബ്രേക്ക് ലിവറിന് മുന്നിൽ രണ്ട് ചിറകുകൾ - തടിയൻ ടയർ.... ഒന്നും നോക്കീല _ വാശി പിടിച്ചു - സംഭവം ഒപ്പിച്ചെടുത്തു. വീട്ടിൽ കൊണ്ടു വന്നപ്പോൾ മിക്കവരും കറുത്ത നിറത്തെ കുറിച്ചും സൈക്കിളിനെ കുറിച്ചും പറഞ്ഞ പരദൂഷണങ്ങൾ മ്മടെ മുന്നിൽ വില പോയില്ല.

ഇതാണ് മ്മടെ ആദ്യത്തെ MTB സൈക്കിൾ. ഇത്തരം സൈക്കിളിനെയാണ്  MTB എന്ന് പറയുന്നത് എന്നറിഞ്ഞിട്ടൊന്നുമല്ല ... എന്നാലും അന്നും കണ്ണ് MTB യിൽ തന്നെ. സൈക്കളിൻ്റെ ഫോട്ടോയൊന്നും ഇന്ന് കൈയ്യിലില്ല. കുറെ കാലം ഉപയോഗിച്ചു... പിന്നെ മോട്ടോർ വാഹനത്തോട് തോനിയ ഭ്രമം സൈക്കളിനെ ഒരു മൂലയിലാക്കി. പിന്നീട് സൈക്കിൾ തുരുബ് പിടിച്ച് നശിച്ച് പോകണ്ടയെന്ന് കരുതി പപ്പയുടെ ഒരു സുഹൃത്തിന് കൊടുത്തു. പിന്നീട് നീണ്ട ഇടവേള!