ദ്വീപിലെ മീൻപിടുത്തം ..... അതവരുടെ ജീവിതമാർഗം -ഹോബി

ഒരു വൈകുന്നേരം മിനി കോയ് ദ്വീപിലെ വില്ലേജു റോഡുകൾക്കിടയിലൂടെ  സൈക്കളിൽ കറങ്ങി നടക്കുന്നതിനിടയിൽ കുറച്ച് നേരം ബീച്ചിലേക്ക് സൈക്കൾ ഉന്തി കൊണ്ട് നടന്നു. ഒരു ചെറിയ കുട്ടി അവൻ്റെ ഉപ്പൂപ്പയുടെ കൂടെ മത്സ്യ ബന്ധനത്തിന് പോയ ഉപ്പയെ കാത്ത് അവിടെ നിൽക്കുന്നുണ്ടായിരുന്നു. ദ്വീപുവാസികളായ സാധാരണക്കാരുടെ പ്രധാന വരുമാനമാർഗം ഒന്ന് മത്സ്യ ബന്ധനവും രണ്ട് തെങ്ങ് കൃഷിയുമാണ്.

അങ്ങ്  ദൂരെ നിന്നും കുറച്ച് ബോട്ടുകൾ തീരത്തേക്ക്  വരുന്നുണ്ട്... ചെറിയ ബോട്ടുകളിൽ മത്സ്യങ്ങളായി വരുന്ന സുന്ദരമായ കാഴ്ച...

ആ കുട്ടി ഉപ്പയെ കണ്ടു ....ഉറക്കെ ...പ്പാ.... പ്പാ

എന്ന് വിളിക്കുന്നുണ്ട്...

അദ്ദേഹം തിരിച്ചു കൈ വീശി കാണിച്ചു.... വള്ളം തീരത്തേക്കടുത്തു ജോലിക്കാർ എല്ലാവരും കൂടി വള്ളംകരയിലേക്ക് തള്ളി കയറ്റി . ബോട്ട് നിറയെ വലിയ ചൂര മത്സ്യങ്ങളാണ്, അവർ ഓരോന്നും മണൽ പരപ്പിൽ പരത്തി ഇട്ടു.... അവിടെ വലിയ അലുമിനിയം പാത്രങ്ങളായി കാത്തു നിന്ന സ്ത്രീകൾക്ക് അവരുടെ പങ്ക് നൽകി.

സ്ത്രീകളിൽ ചിലർ മത്സ്യത്തിൻ്റെ തല മുറിച്ച് കളഞ്ഞ് മാംസം മാത്രം കടൽ വെള്ളത്തിൽ കഴുകി.പാത്രത്തിൽ വെച്ച് തലച്ചുമടായി വീട്ടിലേക്ക് പോയി. പണിക്കു വന്ന ജോലിക്കാർക്കും വലിയ ചൂര നൽകി. ബാക്കിയുള്ളവ വിൽപനക്കായി ഉന്തുവണ്ടിയിൽ  കൊണ്ടുപോയി.... ആ കുട്ടി ആ ഉന്തുവണ്ടിയുടെ മുന്നിൽ ചാടി ചാടി വീട്ടിലേക്ക്.....

അവരുടെ ഇഷ്ട വിനോദം മത്സ്യ ബന്ധനമാണ്. മിക്ക വീട്ടുകാർക്കും ചെറിയ ബോട്ടുകൾ ഉണ്ടാകും.,,,.  ചൂണ്ടലിട്ട് ഇരിക്കുന്ന നിരവധി  ആളുകൾ തീരത്തെ സ്ഥിരം കാഴ്ചയാണ്... എത്ര വലിയ ആളുകളാണെങ്കിലും കടലും മത്സ്യ ബന്ധനവും അവർക്ക് ഒഴിച്ച് കൂടാൻ പറ്റാത്ത ഒരു കാര്യം..... 

എന്തിന് ഏറെ കുട്ടികളുടെ പഠനത്തിൽ പോലും കടലും മത്സ്യ ബന്ധനവും നീന്തലും പാഠ്യവിഷയമാണ്....... ഇനി മാറ്റുമോ ആവോ!

ഹോബിയായി കടലിലേക്ക് മത്സ്യബന്ധനത്തിന് പോകുന്ന ദ്വീപ് വാസിയായ ഉദ്യോഗസ്ഥരും ഉണ്ട് - ചിലരുടെ കൂടെ എനിക്കും പോകാൻ അവസരം കിട്ടിയിട്ടുണ്ട്...

നമ്മുടെ നാട്ടിൽ കുളികളും നമ്മളും  വൈകുന്നേരങ്ങളിൽ ഒത്തുകൂടിയാൽ ഫോണിൽ കുത്തി പിടിച്ച് ഇരിക്കും, വാട്സ്ആപ്/ഫേസ്ബുക്ക്.... എന്നാൽ അത്തരം കാഴ്ച അവിടെ കാണാനില്ല - കടലിൽ കളിച്ചും മീൻപിടിച്ചും ജീവിതം ആഘോഷമാക്കുന്ന ജനത... ഇപ്പോഴും ദ്വീപുകളിലെ  ചില സുഹൃത്തുക്കൾക്ക്  വാട്സ് ആപ് മെസേജ് അയച്ചാൽ ചിലപ്പോൾ മറ്റുപടി കിട്ടുക ദിവസങ്ങൾ കഴിഞ്ഞിട്ടാവും.അവർ നമ്മളെ പോലെ -എപ്പോഴും ഫോണും കൊണ്ടു നടക്കണ മനുഷ്യരല്ല മക്കളേ.,,,,,,,,,

 നമ്മളെ കരയിൽ ഉള്ളവർഎന്നാണവർ പറയുക..... നമ്മളായി അവരുടെ ശീലങ്ങൾ നാശാക്കണ്ട! 

.. എഴുതാൻ ഇനിയും ഉണ്ട്....തൽക്കാലം നിർത്തുന്നു.

.......സിംരാജ്........