രാവിലെയുള്ള നടത്തത്തേക്കാൾ, ജിമ്മിൽ പോകുന്നതിനേക്കാൾ എനിക്കിഷ്ടം പുതിയ വഴികളിലൂടെ കാഴ്ചകൾ കണ്ടു ഏറെ ദൂരം സൈക്കിൾ സഞ്ചിരിക്കുകയെന്നതാണ്. കോവിഡ് വ്യാപനം മൂലം സർക്കാർ നിർദ്ദേശങ്ങൾ പാലിച്ച് കുറച്ച് ദിവസം സുരക്ഷിതമായി ഇരിക്കാൻ തീരുമാനിച്ചു. നാളെ മുതൽ ലോക് ഡൗണും.
ഇപ്പോൾ സൈക്കിൾ ഉപയോഗിക്കാൻ തുടങ്ങി ഒരു മാസം കഴിഞ്ഞിരിക്കുന്നു. പത്രോസച്ചൻ സ്നേഹത്തോടെ സൈക്കിൾ തരുമ്പോൾ ആശ്രമത്തിൽ വെച്ചു ചുമ്മ ഞാൻ എൻ്റെ ഭാരം നോക്കി - 81kg കൂടുതലാണെന്ന് പത്രോസച്ചനും അഭിപ്രായപ്പെട്ടു. തടി കുറക്കുക എന്നതിലുപരി രാവിലെ സൈക്കിളൽ തേരാ പാര യാത്ര ചെയ്യാലോ എന്നാണ് യാത്രാ സ്നേഹിയായ എൻ്റെ മനസ്സിലെ ചിന്ത! പത്രോസച്ചനെ പോലെ ചിട്ടയുള്ള വ്യായാമവും ഭക്ഷണ നിയന്ത്രണവും നമുക്ക് പറ്റില്ല!
സൈക്കിൾ കൈയിൽ കിട്ടിയപ്പോൾ വലിയൊരു സ്വപ്നം നേടിയെടുത്ത സന്തോഷം. സൈക്കിൾ കിട്ടിയ ശേഷം ഈസ്റ്റർ ഞായറാഴ്ച മുതലാണ് പ്രഭാത സൈക്കിൾ സവാരി തുടങ്ങിയത് തുടങ്ങിയത്.കൃത്യമായി പറഞ്ഞാൽ ഏപ്രിൽ 14 ന് .ഇപ്പോൾ ഒരു മാസം കഴിഞ്ഞിരിക്കുന്നു - ഇതിനിടയിൽ ചുരുക്കം ദിവസങ്ങളിൽ സൈക്കിൾ ചവിട്ടാൻ സാധിച്ചില്ല.ഓരോ ദിവസവും ശരാശരി 20 km ന് മുകളിൽ സൈക്കിൾ ചവിട്ടിയിരുന്നു... ഓരോ ദിവസവും വ്യത്യസ്ഥമായ വഴികൾ കാഴ്ചകൾ കൊണ്ട് മനസ്സ് നിറച്ചുകൊണ്ടിരുന്നു.
തൂക്കം കുറഞ്ഞിട്ടുണ്ടാവും എന്ന് ഉറപ്പായിരുന്നു.
എങ്കിലും വീണ്ടും ആശ്രമത്തിൽ പോയി എൻ്റെ ഭാരം നോക്കി... എത്രയായിരിക്കും.....
നിങ്ങൾ തന്നെ പറയൂ...... കമൻ്റ് ബോക്സിൽ എഴുതൂ .....
( ശരിയായ ഉത്തരം: നാളെ ഇവിടെ എഡിറ്റ് ചെയ്തു ചേർക്കുന്നതാണ്)
ഇനി 16 ന് ലോക് ഡൗൺ കഴിയുമ്പോൾ എന്താവുമോ ആവോ......
Comments
Post a Comment