ലക്ഷദ്വീപിലെ കടൽപ്പാലത്തിലൂടെ

ലക്ഷദ്വീപിലെ കടൽപാലത്തിലൂടെ

--------------------------------------------------

ദ്വീപിൽ ചിലവഴിച്ച ദിവസങ്ങളിൽ  ലക്ഷദ്വീപുവാസികളുടെ  സ്നേഹം നേരിട്ടറിഞ്ഞതാണ്... സൈക്കിളിൽ കറങ്ങി നടന്ന സമയങ്ങളിൽ കണ്ടുമുട്ടിയ പലരുമായും ഇന്നും നല്ല സൗഹൃദം സൂക്ഷിക്കുന്നു. 

ലക്ഷദ്വീപിലെ മിനിക്കോയ് ദ്വീപിലെ  ഈസ്റ്റേൺ ജെട്ടിയിലെ കടൽ പാലത്തിൽ പുലർകാലത്തും രാത്രികളിലും പല തവണ സൈക്കിളിൽ കറങ്ങി നടന്നിട്ടുണ്ട്!

ഒരു മോശപ്പെട്ട അനുഭവങ്ങളും എനിക്ക് ഉണ്ടായിട്ടില്ല... ഞാൻ അത്തരം സന്ദർഭങ്ങൾ കണ്ടിട്ടുമില്ല -

 കടൽ തീരത്തോട് ചേർന്ന് സുന്ദരമായ റോഡും കാഴ്ചകൾ കണ്ടിരിക്കാൻ സുന്ദരമായ ചായം പൂശിയ സിമൻ്റിൻ്റെ ചാരു ബഞ്ചുകൾ, തണൽമരങ്ങൾ, സോളാർ വഴിവിളക്കുകൾ ആ വഴിയിലൂടെ എത്രതവണ സൈക്കിൾ ചവിട്ടിയെന്ന് പറയാൻ പറ്റില്ല....

രാത്രി സമയങ്ങളിലും അവിടെയുള്ള സ്ത്രീകൾ ധൈര്യമായി വ്യായാമത്തിനായും ചെറിയ കടകളിൽ നിന്ന് പലഹാരം വാങ്ങിയും ഈ റോഡിലൂടെ നടക്കുന്നത് കാണാം. അവരെ ആരും ശല്യം ചെയാനോ മറ്റും പോകാറില്ല....

പലരും അവിടെ രാത്രികാലങ്ങളിൽ പാലത്തിലിരുന്ന്  ലഗൂൺ മത്സ്യങ്ങളെ ചൂണ്ടയിട്ട് പിടിക്കുന്നത് കാണാം! 

നേവിയും മറ്റും ശക്തമായ സുരക്ഷയാണ് അവിടെ ഒരുക്കിയിരിക്കുന്നത് .

പൂർണ നിരീക്ഷണത്തിലാണ് മിക്ക സ്ഥലങ്ങളും. അനുവാദമില്ലാത്ത സ്ഥലങ്ങളിൽ കയറിയാൽ പിന്നീട് ശരീരത്തിൽ നിന്ന് തുളകൾ തപ്പി അടക്കേണ്ടി വരും.

ലൈറ്റ് ഹൗസിലും മറ്റു സ്ഥലങ്ങളിലും റഡാറുകൾ 24 മണിക്കൂറും പ്രവർത്തിക്കുന്നത് വെറുതെയല്ല -കടലിലൂടെ കിലോമീറ്ററുകൾ അകലെ പോകുന്ന കപ്പലുകൾക്ക് സുരക്ഷ ഒരുക്കുന്നതോടൊപ്പം ദ്വീപിനും സുരക്ഷ നൽകുന്നു. ഒരു ചെറു മത്സ്യ ബന്ധന ബോട്ടിനു പോലും അവിടെയുള്ള നിരീക്ഷണ സംവിധാനത്തിൽ നിന്ന് രക്ഷപ്പെടാൻ സാധിക്കില്ല....

ഈസ്‌റ്റേൺ ജെട്ടിയിൽ കപ്പലുകൾ വന്നു പോകുന്ന കാഴ്ചകൾ പറഞ്ഞറിയിക്കാൻ കഴിയില്ല! കപ്പൽ ദ്വീപിലേക്ക്  വരുമ്പോഴും പോകുമ്പോഴും സുരക്ഷാ ജീവനക്കാരുടെയും പോലീസ് ഉദ്യേഗസ്ഥരുടെയും നിരീക്ഷണത്തിലാണ് നമുക്ക് ദ്വീപിൽ പ്രവേശിക്കാനും തിരിച്ച് പോകാനും സാധിക്കൂ....

3G പോയിട്ട് 2 G പോലും ശരിക്കും ലഭ്യമില്ലാത്ത ,   ബിവറേജ് പോയിട്ട് കുടിക്കാൻ ഒരു തുള്ളി മദ്യം കിട്ടാത്ത, ഒരു അടിപിടി കാണാത്ത /  സിനിമാ തിയറ്റർ ഇല്ലാത്ത, പെട്രേൾ പമ്പ് ഇല്ലാത്ത -വാഹനങ്ങളുടെ ശബ്ദമോ-മലിനീകരണമോ ഇല്ലാത്ത  വെള്ള മണൽ നിറഞ്ഞ വൃത്തിയുള്ള ബീച്ചുകളുള്ള ,നീല കളറു പോലെ കടലുകളുള്ള  ഈ സ്ഥലത്തേക്കാണോ ഒരിക്കൽ പോയാൽ വീണ്ടും വീണ്ടും പോകാൻ നമുക്ക് തോന്നുന്നത് ....

ആരും ഒന്ന് സ്വയം മറന്ന് പോകും ആ നാട് കണ്ടാൽ അവരുടെ സ്നേഹം കണ്ടാൽ - നേരിട്ട് കണ്ട ശേഷം അഭിപ്രായം പറയണം - ഞാൻ പോകുന്ന സമയത്ത് അങ്ങനായിരുന്നു  ......

Love Lakshadweep ......

അവർ അവിടെ സന്തോഷത്തോടെ ജീവിച്ചോട്ടെ!