സാധാരണ സൈക്കിൾ പോലെയല്ല ഗിയർ സൈക്കിൾ ,ഇത് ഉപയോഗിക്കുമ്പോൾ കുറച്ച് കൂടുതൽ ചിലവ് വരാം.
സൈക്കിൾ വാങ്ങുബോൾ കുറച്ച് നല്ല ബ്രാൻഡ് നോക്കി വാങ്ങിയാൽ പകുതി പേടി വേണ്ട! ബാക്കി കാര്യം നമ്മുടെ ഉപയോഗം പോലെ ഇരിക്കും. പരമാവതി അലോയ് സൈക്കിൾ വാങ്ങിയാൽ തുരുമ്പ് വരുന്നത് കുറവായിരിക്കും.
സൈക്കിൾ എന്നും കഴുകേണ്ട ആവശ്യം ഇല്ല ,ഇർപ്പമുള്ള തുണികൊണ്ട് തുടച്ച് വൃത്തിയാക്കാം .പ്രഷർ പൈപ്പ് ഉപയോഗിച്ച് കഴുകരുത്. ഡിസ്ക്ക് ബ്രേക്കിക്ക് പാഡിൽ വെള്ളം കയറിയാൽ വെയിലത്ത് വെച്ച് ഉണക്കി കളയണം. ചെയിനിലും, ബയറിങ്ങിലും പറ്റിപ്പിടിച്ചിരിക്കുന്ന ചളിയും ഓയിലും - ഡീസൽ ഒഴിച്ച് ഒരു ചെറിയ ബ്രഷ് ഉപയോഗിച്ച് സാവധാനം ക്ഷമയോടെ വൃത്തിയാക്കണം - തുടർന്ന് ഷാമ്പൂ ഉപയോഗിച്ച് കഴുകാം. ഡിസ്ക് ബ്രേക്കിൽ ഓയിൽ ഒഴിക്കരുത് .ചെയിനിൽ ഓയിൽ കൂടുതൽ ഒഴിച്ചാൽ ചളിയും മണൽ തരികളും പറ്റിപ്പിടിച്ച് ചെയിൻ കണ്ണികൾ കേടുവരും, കൂടാതെ ഗിയർ പല്ലുകൾക്ക് തേയ്മാനവും വരും
കടൽവെള്ളത്തിൽ ചവിട്ടിയാൽ തിരിച്ചെത്തിയാൽ ഉടനെ നല്ല വെള്ളവും ഷാമ്പുവും ഉപയോഗിച്ച് കഴുകണം -ഉപ്പുവെള്ളമായാൽ തുരുമ്പ് വരും.
ശരിയായ ഗിയറിൽ ഇട്ട് സൈക്കിൾ ചവിട്ടിയില്ലെങ്കിൽ ഭാവിയിൽ നല്ല പണി കിട്ടാൻ സാധ്യതയുണ്ട്! ഗിയർ ഷിഫ്റ്റ് എങ്ങിനെയാവണം എന്ന് ഞാൻ മുൻപ് എഴുതിയിരുന്നു.
ആളുകൾ മാറി മാറി ഉപയോഗിക്കുന്ന സൈക്കിൾ ആണെങ്കിൽ ഗിയർ ടൂണിങ്ങ് ഇടക്ക് ഇടക്ക് ചെയ്യേണ്ടി വരും. ഓരോരുത്തരും ഉപയോഗിക്കുന്ന ഗിയർ പാറ്റേൺ വ്യത്യസ്ഥമാകാം, അതു കൊണ്ട് തന്നെ ഗിയർ ടൂണിങ്ങ് മാറിപ്പോകാം.
പുതിയ സൈക്കിൾ വാങ്ങി ഒരു 700- 1000 കിലോമീറ്റർ ചവിട്ടി കഴിഞ്ഞാൽ ഒരു സർവ്വീസ് ചെയ്യുന്നത് നല്ലതാണ്. ഗിയർ ടൂണിങ്ങ് ,ബ്രേക്ക് എന്നിവ നിർബന്ധമായി സർവീസ് ചെയ്യണം.
ദിവസവും ഉപയോഗിക്കുന്ന സൈക്കളാണെങ്കിൽ വർഷത്തിൽ ഒരിക്കൽ ചെയിൻ മാറ്റേണ്ടി വരാം-സ്ഥിരം ഉപയോഗിക്കുമ്പോൾ ചെയിൻ കണ്ണികൾ തമ്മിലുള്ള അകലം കൂടും ,അത് ചെയിൻ തെന്നി പോകുന്നതിനും ഗിയർ പല്ലുകൾ തകരാറിലാകുന്നതിനും കാരണമാകാം. ചെയിൻ ഏകദേശം 500 രൂപ മുതൽ മാർക്കറ്റിൽ ലഭ്യമാണ്. എന്നാൽ ഗിയർ കസറ്റുകളുടെ സെറ്റിറ്റ് നല്ല വില വരും.
ഒന്നു ശ്രദ്ധിച്ചാൽ ഗിയർ സൈക്കിൾ വലിയ പണികൾ ഒന്നും തരില്ല!
Comments
Post a Comment