കുന്നംകുളത്തെ നല്ല സൈക്കിൾ ഷോപ്പ് ഏതാ! എന്തൂട്ട് സൈക്കളാ വാങ്ങാ!

പഴയകാല സൈക്കിൾ ഓർമ്മകളിലേക്ക് വീണ്ടുമൊരു തിരിച്ചുവരവ് ..

കുട്ടിക്കാലത്ത് ഒരു കുട്ടികളി പോലെ ആസ്വദിച്ചിരുന്ന സൈക്ലിങ്ങ് , മുതിർന്നപ്പോൾ

തിരക്കുകൾക്കിടയിൽ

റിലാക്സ് ചെയ്യുന്നതിനുള്ള മാർഗമായി...

കുറഞ്ഞ ചെലവിൽ ശരീരത്തിനും മനസ്സിനും ആരോഗ്യം നൽകാൻ സൈക്ലിങ് വളരെ പ്രയോജനപ്രഥമാണെന്ന് തിരിച്ചറിഞ്ഞിരിക്കുന്നു.

രാവിലെയുള്ള നടത്തത്തേക്കാൾ, നമുക്കിഷ്ടപ്പെട്ട പുതിയ വഴികളിലൂടെ ഏറെ ദൂരം സഞ്ചരിക്കാൻ സൈക്ലിങ്ങ് നമ്മെ സഹായിക്കുന്നു.

പലരും സൈക്കിൾ വാങ്ങാൻ ആഗ്രഹിക്കുന്നുവെന്ന് പറഞ്ഞു മെസേജ് അയച്ചിരുന്നു..... ഞാൻ വലിയൊരു സൈക്കിൾ വിദഗ്ധൻ ഒന്നും അല്ല - എങ്കിലും ഒരു നല്ല സൈക്കളിനു വേണ്ടിയുള്ള അന്വേഷണങ്ങൾ ഇവിടെ പങ്കുവെക്കാം!

നമ്മുടെ ആവശ്യങ്ങളും ബഡ്ജറ്റും ,ചിന്തിച്ചുള്ള ഒരു സൈക്കിളുകളാണ് വാങ്ങിക്കേണ്ടത്.

ഇന്ന് ഇന്ത്യക്ക് അകത്തു നിന്നും പുറത്തു നിന്നുമായി നിരവധി കമ്പനികളുടെ  സൈക്കിളുകൾ നാട്ടിൽ ലഭ്യമാണ്- എന്നാൽ കോവിഡ് പ്രശ്നങ്ങൾ മൂലം സൈക്കിൾ അത്രക്ക് സുലഭമല്ല.പല മോഡലുകളും സ്റ്റോക്ക് ഇല്ല.

എന്നാലും തുടക്കകാർക്കു പറ്റിയചില സൈക്കിളുകൾ പറഞ്ഞു തരാം!

5000 രൂപക്ക് ഒരു സൈക്കിൾ അത് ഡെക്കാത്തലോണിൻ്റെ Bitwin My Bike തന്നെ ,ഗിയർ ഇല്ലെങ്കിലും ഈ ഹൈബ്രിഡ് സൈക്കിൾ എല്ലാം കൊണ്ട് ഒരു പുലിയാണ്. ഫ്രഞ്ചുകമ്പനിയായ ഡെക്കാത്ത ലോണിൻ്റെ പ്ലാൻ്റിൽ നിന്ന് നേരിട്ടുള്ള ഉൽപനം ആയതിനാണ് ഇത്രയും വില കുറവ്.ഗുണമേൻമയുടെ കാര്യത്തിൽ മൈ ബൈക്ക് മുൻപന്തിയിൽ തന്നെ .

കൂടാതെ Hero, Match city, Firefox, nintey one, Herculis, തുടങ്ങി നിരവധി കമ്പനികൾക്ക് 5000നും 10000നും ഇടയിൽ ഗിയർ ഇല്ലാത്ത സൈക്കിളുകൾ ഉണ്ട്. ഡെക്കാത്തലോൺ വെമ്പ് സൈറ്റ് വഴി സൈക്കളുകൾ ഓഡർ ചെയ്യാം - ഇപ്പോൾ പല മോഡലുകളും സറ്റോറിൽ ലഭ്യമല്ല!

ഗിയർ ഉള്ളവ ഒരു വിധം നല്ലത് 15 K രൂപക്ക് മുകളിൽ വരും .അതിൽ nintey one/Bitwin Rockrider / Herculis- Montra / Java / level / Cosmic തുടങ്ങീ നിരവധി റേഞ്ചിലുള സൈക്കിളുകൾ ഉണ്ട്. ഹൈബ്രിഡിൽ  Montra trance ,Firefox Rapid എന്നിവ മികച്ചവയാണ്, വില ഏകദേശം 18 k മുതൽ 22 k വരെ യാകാം.

MTB യിൽ nintey one എന്ന കമ്പനി (പഴയ frog) യുടെ Defender - Panther - Snowleopard തുടങ്ങിയ നല്ലതാണ്. Cosmic സൈക്കിളുകൾ 13 k മുതൽ വിപണിയിൽ ലഭ്യമാണ്.

എൻ്റെ അറിവുകൾ വളരെ പരിമിധമാണ്, ഞാൻ 

https://www.choosemybicycle.com എന്ന വെമ്പ്സൈറ്റിൽ നിന്നാണ് സൈക്കളിനെ കുറിച്ചുള്ള അറിവുകൾ നേടുന്നത്. എല്ലാ സൈക്കിൾ കമ്പനികളുടെ / ഡീലർമാരുടെ ലിങ്കും കൂടാതെ സൈക്കളുടെ ഫോട്ടോ / സ്പെസിഫിക്കേഷൻ / വില തുടങ്ങീ എല്ലാ വിവരവും ഈ സൈറ്റിൽ ലഭ്യമാണ്.

Kcyclopedia എന്ന യൂടൂബ് ചാനലിൽ നിന്നും  വളരെ സഹായകമായ റിവ്യൂ കൾ ലഭ്യമാകും.

സൈക്കിൾ ഓൺ ലൈൻ വഴി വാങ്ങുബോൾ കടയിലെ വിലയുമായി താരതമ്യം ചെയ്തു വാങ്ങുന്നതാണ് നല്ലത് - കൂടാതെ സ്പെസിഫിക്കേഷനും നോക്കണം .ഓൺലൈൻ വാങ്ങിയാൽ പിന്നീടത് എന്തായാലും സൈക്കിൾ ഷോപ്പിൽ പോയി അസംബ്ലിചെയ്യേണ്ടി വരും. വില കുറവിൽ ഒരു സൈക്കിൾ വാങ്ങുന്നതിനേക്കാൾ തുടർന്നുള്ള സർവ്വീസുകളും ലഭിക്കണമെങ്കിൽ അടുത്തുള്ള സൈക്കിൾ ഷോപ്പിൽ നിന്ന് വാങ്ങുകയാണ് ഏറ്റവും നല്ലത്.

കുന്നംകുളത്ത് പ്രധാന സൈക്കിൾ വിൽപ്പനക്കാരാണ് 1.ചാക്കപ്പായി സൈക്കിൾസ് - കുട്ടിക്കാലം മുതൽ കേൾക്കുന്ന പേരാണ് ചാക്കപ്പായി സൈക്കിൾസ് 2. ചെറുവത്തൂർ സൈക്കിൾസ് 3.ഷെല്ലി സൈക്കിൾസ് എന്നിവർ. നല്ല അഭിപ്രായമാണ് മൂന്ന് കടകളെക്കുറിച്ചും പറയാനുള്ളത് .

ഓരോരുത്തർക്കും അവരുടേതായ പ്രത്യേകതകളും ഉണ്ട്

തിരക്ക് പിടിച്ച് വാങ്ങാതെ ക്ഷമയോട് അന്വേഷിച്ച് ,അഭിപ്രായങ്ങൾ കേട്ട്, ഓടിച്ചു നോക്കിയ ശേഷം മാത്രം വാങ്ങുക.

........സിംരാജ്........