രാവിലെ നേരത്തെ സൈക്കിൾ സവാരി തുടങ്ങാം ,വെയിലിന് ചൂടേറുന്ന സമയങ്ങൾ വിശ്രമിച്ച് - വെയിൽ കുറയുന്ന സമയങ്ങളിൽ പരമാവധി ദൂരം സവാരി ചെയ്യാം.
രാവിലെ 4 മുതൽ ഒരു 11:30 സൈക്കിൾ ചവിട്ടാം. ഉച്ചക്ക് വിശ്രമിച്ച ശേഷം 2:30 മുതൽ 6 :30 വരെയും സൈക്കിൾ ചവിട്ടാം, എന്നാലും കൂടുതൽ വൈകാതെ രാത്രി വിശ്രമിക്കാനുള്ള സ്ഥലം കണ്ടെത്തണം.
വലിയ കണ്ടെയ്നർ വാഹനങ്ങൾ കൂടുതലും രാത്രി സമയത്താണ് റോഡിലിറങ്ങുന്നത്. അതു കൊണ്ട് തന്നെ വൈകുന്നേരം പരമാവധി യാത്ര ഒഴിവാക്കുക.
ഇരുട്ടുള്ള സമയങ്ങളിൽ ഒരു ലൈറ്റ് മുന്നിലും ഒരു ബ്ലിൻക്കർ ലൈറ്റ് പുറകിലും ഉണ്ടാകണം. ഇവിടെ കാണിച്ചിരിക്കുന്ന ലൈറ്റുകൾ 400 രൂപ മുതൽ വിപണിയിൽ ലഭ്യമാണ്. ഓൺലൈനിൽ വ്യത്യസ്ഥ ഓഫറുകളിൽ ലഭ്യമാണ്. ഞാൻ അടുത്തുള്ള ഷോപ്പിൽ നിന്നാണ് വാങ്ങിയത്. രണ്ടിനും കൂടെ 850/- രൂപ നൽകി .രണ്ട് മണിക്കൂർ ധാരാളം ഉപയോഗിക്കാം .USB കേബിൾ ഉപയോഗിച്ച് ഇവ രണ്ടും ചാർജ് ചെയ്യാവുന്നതാണ്- പവർ ബാങ്കിൽ നിന്നും ചാർജ് ചെയ്യാം. വ്യത്യസ്ഥമായ മോഡിൽ ലൈറ്റ് പ്രകാശിപ്പിക്കാം. പുറകിലെ ബ്ലിങ്കറിൽ രണ്ട് നിറങ്ങൾ ഉണ്ട് ചുവപ്പും നീലയും അതും നമുക്ക് ഇഷ്ടമുള്ള മോഡിൽ മാറ്റാൻ സാധിക്കും. രണ്ടിൽ നിന്നും അത്യാവശ്യം വെളിച്ചവും ലഭിക്കുന്നുണ്ട് .മുന്നിലെ ലൈറ്റിനോട് ചേർന്ന് ഒരു ഹോണും ഉണ്ട്.
Sയറിലെ കമ്പികളിലും പെടലിലും റിഫ്ലക്ടർ ഉണ്ടാകും. റിഫ്ലക്ടിങ്ങ് ബാൻഡ് ടീഷർട്ടിന് മുകളിൽ ധരിക്കുന്നത് മറ്റു വാഹനക്കാർക്ക് എളുപ്പത്തിൽ നമ്മെ തിരിച്ചറിയുന്നതിന് സഹായിക്കും.
Comments
Post a Comment