-----------------------------------------------------------
നല്ല സൈക്കളിൽ നല്ല യാത്രകൾ എല്ലാവരുടേയും സ്വപ്നങ്ങളാണ് ... കോവിഡ് മഹാമാരിയുടെ വിഷമഘട്ടങ്ങളിലൂടെ നമ്മുടെ സുഹൃത്തുക്കൾ കൂടപിറപ്പുകൾ കടന്നു പോകുന്നു. കുറച്ച് ദിവസം ക്ഷമയോടെ കാത്തിരിക്കാം. നമ്മുടെ സുരക്ഷ പോലെ മറ്റുള്ളവരുടെ സുരക്ഷക്കും പ്രാധാന്യമുണ്ട്.
ലോക്ക് ഡൗൺ നീട്ടി ട്രിപ്പിൾ ലോക്ക് ഡൗൺ കൂടാതെ ന്യൂനമർദ്ദം മൂലം പെയ്തു കൊണ്ടിരിക്കുന്ന ശക്തമായ മഴ - ഈ സാഹചര്യത്തിൽ എല്ലാവർക്കും വിശ്രമം ആവശ്യം. നമ്മളെ പോലെ സൈക്കളും വിശ്രമിക്കട്ടെ!
വാങ്ങിയാൽ പിന്നെ കേടാകുബോൾ നോക്കാമെന്ന് ചിന്തിച്ച് ,സൈക്കളിന് ഒരു സർവീസും ചെയ്യാത്തവർക്ക് പിന്നീട് നല്ല വില നൽകേണ്ടി വരും. മോട്ടോർ വാഹനങ്ങൾ പോലെ സൈക്കളും കൃത്യമായ സർവീസ് നടത്തണം. ദിവസവും സൈക്ലിങ്ങ് ചെയ്യുന്നവർ മൂന്നു മാസം കൂടുമ്പോഴെങ്കിലും സർവീസ് ചെയുന്നത് നല്ലതാണ്. ഇപ്പോൾ കടകൾ ഇല്ലാത്തതിനാൽ നമുക്കതിനുള്ള സാഹചര്യം ഇല്ല !
എങ്കിലും നമ്മളെ കൊണ്ട് ചെയ്യാവുന്ന നിരവധി കാര്യങ്ങൾ ഉണ്ട്.
മഴക്കാലത്തെ പ്രധാന വില്ലനാണ് തുരുബ്-ഈർപ്പമുള്ള അവസ്ഥകൾ സൈക്കളിനെ വലിയ തകരാറിലേക്ക് നയിക്കും. അലോയ് സൈക്കിൾ - തുരുമ്പ് വരില്ല എന്നൊക്കെ പറഞ്ഞാലും അവയുടെ നട്ടുകളും മറ്റു ചില ഭാഗങ്ങളും ഇരുമ്പ് കൊണ്ട് നിർമ്മിച്ചതാകാം, ഇത് പെട്ടെന്ന് തുരുമ്പ് പിടിക്കും. കുറച്ച് ദിവസം സൈക്കളിലെ ചളിയും മറ്റും കഴുകി , വൃത്തിയായി തുടച്ച് ഈർപ്പം കളഞ്ഞ് സൈക്കിളിന സുരക്ഷിതമാക്കി വെക്കാം, തുരുമ്പിനെ ഒഴിവാക്കാൻ WD 40 സ്പ്രെ ചെയ്യുന്നതു നല്ലതാണ്.
ഏറ്റവും എളുപ്പമുള്ള മറ്റൊരുമാർഗം ബൈക്കിൻ്റ ഓയിൽ / എണ്ണ കുറച്ച് ഒരു കോട്ടൻ തുണിയിൽ എടുത്ത് സൈക്കളിൽ പൂർണമായി തുടച്ചെടുക്കാം.ഇത് ഈർപ്പത്തിൽ നിന്നും സൈക്കളിനെ സംരക്ഷിക്കാനുള്ള ആവരണമായി നിൽക്കും. ബ്രേക്ക് പാഡിൽ ഓയിൽ ഒഴിക്കരുത്. ഇത് ബ്രേക്ക് പാഡ് തകരാറിലാക്കും.
എന്തായാലും നല്ല യാത്രകൾക്കു വേണ്ടി.... നല്ല നാളേക്കു വേണ്ടി സുരക്ഷിതമായി നമുക്ക് കാത്തിരിക്കാം..!
Comments
Post a Comment