ഓരോ ദിവസവും സൈക്കളിൽ കഴിയാവുന്നത്ര ദൂരം താങ്ങണമെന്ന മോഹത്തോടെയാണ് സൈക്കിൾ വാങ്ങിയത് എന്നാൽ കൊറോണ സൈക്കളിനെ ഒരു മൂലക്കാക്കി. ലോക്ക് സൗൺ വീണ്ടും നീട്ടിയ ഈ സാഹചര്യത്തിൽ ഇനിയെന്നാവോ വീണ്ടുമൊരു പ്രഭാതസവാരി. ഒരു മാസം കൊണ്ട് 12 കിലോ ഭാരം കുറച്ചത് പലരും വിശ്വസിച്ചിട്ടില്ല .
ഭാരം കുറക്കാൻ ചെയ്ത കാര്യങ്ങൾ ഇന്നു പങ്കുവെയ്ക്കാം. ഞാൻ ഉപയോഗിക്കുന്നത് ഒരു MTB സൈക്കിളാണ്, അതു കൊണ്ടു തന്നെ കുറച്ച് അധികം ഊർജം ഉപയോഗിച്ചാൽ മാത്രമേ വേഗതയിൽ പോകാൻ സാധിക്കൂ. പ്രഭാതസവാരിയാണ് കൂടുതലും ചെയ്തത്. സൈക്ലിങ്ങിന് മുൻപ് ഭക്ഷണം കഴിക്കാറില്ല കുറച്ച് വെള്ളം കുടിച്ച ശേഷം സൈക്ലിങ്ങ് തുടങ്ങും. ഒരു മണിക്കൂറിൽ 15 മുതൽ 20 വരെ കിലോമീറ്റർചവിട്ടണം. അത്തരത്തിൽ ഒരു ദിവസം രണ്ട് മണിക്കൂർ കൊണ്ട് ശരാശരി മുപ്പത് കിലോമീറ്റർ സൈക്കിൾ ചവിട്ടിയിരുന്നു. അതിനിടയിൽ ഒറ്റ ദിവസം കൊണ്ട് 204 കിലോമീറ്ററും ചവിട്ടി പാലക്കാട് പോയി കറങ്ങി വന്നു.
പരമാവധി ക്ഷീണം വരുമ്പോൾ മാത്രം നിർത്തി വിശ്രമിക്കും. മുപ്പത് കിലോമീറ്റർ ചവിട്ടുമ്പോൾ ഇപ്പോൾ വലിയ ക്ഷീണം ഇല്ല. ഇടക്കിടക്ക് വെള്ളം കുടിക്കണ ശീലം ഇല്ല.
സൈക്ലിങ്ങ് കഴിഞ്ഞ് വന്നാൽ തറയിൽ ഇരുന്ന് വിശ്രമിച്ച് 'വിയർപ്പ് മാറിയ ശേഷം ഒരു ലിറ്റർ വെള്ളം കുടിക്കും. പഞ്ചസാര ഇടാത്ത നാരങ്ങാവെള്ളം കുടിക്കുന്നത് നല്ലതാണ് ,വേണമെങ്കിൽ ലേശം ഉപ്പിടാം. സൈക്ലിങ്ങിന് മുൻപും ശേഷവും സ്ട്രെച്ചിങ്ങ് വ്യായാമങ്ങൾ ചെറിയ രീതിയിൽ ചെയ്യുന്നത് നല്ലതാണ്.
അരി ഭക്ഷണം ചോറ് കുറച്ച് കുറക്കണം/ചേറിന് മുൻപ് രണ്ട് ഗ്ലാസ് വെള്ളം കുടിച്ചാൽ മതി.
ബേക്കറി ഉൽപന്നങ്ങൾ പൂർണമായി ഒഴിവാക്കാൻ സാധിക്കുമെങ്കിൽ അതാണ് നല്ലത്. ബേക്കറി പലഹാരങ്ങളിലെ മധുരം ശരീരത്തിന് അത്ര നല്ലതല്ല .
പ്രോട്ടീൻ ഭക്ഷണം കഴിക്കാം. ഞാൻ ചിക്കനും/ ബീഫും / ഫിഷ് / മുട്ട എന്നിവ കുറച്ച്കഴിക്കും .മിൽക്ക് ഷേക്കും കഴിക്കും ഒരു ഭക്ഷണ പദാർത്ഥവും ഒഴിവാക്കിയിട്ടില്ല. വലിയൊരു മാറ്റത്തിനായി ചില ഭക്ഷണ ശൈലികളും മാറ്റാൻ സാധിച്ചു. രാത്രി ഭക്ഷണത്തിൻ്റെ അളവും കുറച്ചു. നന്നായി ഉറങ്ങണം'
എല്ലാം കൊണ്ടും 12 kg കുറഞ്ഞു. ഇനി വീണ്ടും സൈക്ലിങ്ങ് എന്ന് തുടങ്ങുമെന്നറിയില്ല....
എന്തായാലും മനസ്സിനും ശരീരത്തിനും ഒരുമിച്ച് റിലാക്സ് കിട്ടുന്ന സൈക്ലിങ്ങ് ഞാൻ ഉപേക്ഷിക്കില്ല! യാത്രകൾ തുടരും......
Comments
Post a Comment