സ്രായൽ കടവ് കടന്ന് ചങ്ങരംകുളത്തേക്ക്

ഇന്നത്തെ വട്ടത്തിൽ ചവിട്ടൽ ചങ്ങരംകുളത്തേക്ക്

സൂര്യൻ ഉണരുന്നതിനു മുൻപേ ഇറങ്ങി,

( കുന്നംകുളം - ചെറുവത്താനി-പെങ്ങാമുക്ക് - ചിറക്കൽ - കാട്ടകാമ്പാൽ - സ്രായൽ കടവ് - നന്നംമുക്ക് - ചങ്ങരംകുളം - വളയംകുളം - പെരുബിലാവ് - പാറേമ്പാടം - കുന്നംകുളം.)

34 കിലോമീറ്റർ 2 :00 മണിക്കൂർ കൊണ്ട് ചവിട്ടിക്കൂട്ടി.

വെളിച്ചം കുറവായതിനാൽ ഫോട്ടോ പിടുത്തം നടന്നില്ല എങ്കിലും, നിരവധി കാഴ്ചകൾ ആ മങ്ങിയ വെളിച്ചത്തിലും ദൃശ്യമായിരുന്നു.

പത്രകെട്ടുകൾ മൊബൈൽ ടോർച്ചിൻ്റെ വെളിച്ചത്തിൽ തരം തിരിച്ച് വെക്കുന്നവർ, പാൽവിതരണക്കാർ, കാൽനടക്കാർ, ചൂടുള്ള ചായകുടിക്കാനായി ചായക്കടയുടെ ബഞ്ചിൽ ചടഞ്ഞിരിക്കുന്നവർ, മീൻ പിടിക്കാനായി വലയും കൊട്ടയുമായി പോകുന്ന ചേട്ടൻമാർ,ഇറച്ചി കച്ചവടക്കാർ, പൂക്കച്ചവടത്തിനായി കൊട്ടയിൽ മുല്ലപ്പൂക്കൾ ഒതുക്കി വെക്കുന്ന തമിഴ് നാട്ടുകാരി ചേച്ചി ,

തുടങ്ങീ നിരവധി കാഴ്ച്ചകൾ. ഇരുട്ടായതിനാൽ സ്രായൽ കടവിൻ്റെ സൗന്ദര്യം ഫോട്ടോയെടുക്കാൻ സാധിച്ചില്ല, കുറച്ച് മാസം മുൻപ് സ്രായൽ കടവ് സുന്ദരമാക്കിയിട്ടുണ്ട് - റോഡരികിൽ തണൽ മരങ്ങളുണ്ട് - നടപ്പാതയായി കുറച്ച് ദൂരം ടൈൽ വിരിച്ചിട്ടുണ്ട് - ചെറിയ കടകളും തുടങ്ങിയിട്ടുണ്ട്.

ഞായറാഴ്ച ആയിട്ടും സൈക്കിൾ ചവിട്ടുന്നവരായി വിരലിൽ എണ്ണാവുന്നത്ര ആളുകളെ മാത്രമേ കണ്ടുള്ളൂ.