"അപ്പോ മ്മടെ സൈക്കിളാണ് യഥാർത്ഥ ബൈക്ക് "

"അപ്പോ മ്മടെ സൈക്കിളാണ് യഥാർത്ഥ ബൈക്ക് "

കോവിഡ് അതിരൂക്ഷമായി കൊണ്ടിരിക്കുന്നു - നിരവധി സ്ഥലങ്ങൾ കണ്ടെയ്ൻമെൻ്റ് സോണും - അതിലൂടെ ചാടി കടന്നുള്ള സൈക്കിൾ ചവിട്ടിന് ഇന്ന് മനസു വന്നില്ല.... എന്തായാലും  കുറച്ച്  നേരം മുറ്റത്ത് ചവിട്ടി ആശ്വസിച്ചു.

പുതിയ സൈക്കിൾ യാത്രാ അനുഭവങ്ങൾ പ്രതീക്ഷിച്ച നിങ്ങളെ നിരാശരാക്കുന്നില്ല...

സൈക്കിളുകളെ കുറിച്ച് ചില അറിവുകൾ പങ്കു വെക്കാമെന്ന് കരുതി. 

പത്തൊമ്പതാം നൂറ്റാണ്ടിൽ യൂറോപ്പിലാണ് ആദ്യമായി സൈക്കിൾ/ബൈസിക്കിൾ  നിർമ്മിച്ചത്..

ഇവയെബൈക്കുകൾ എന്നും വിളിക്കുന്നു - യാന്ത്രങ്ങൾ ഘടിപ്പിച്ച ബൈക്കുകളാണ് മോട്ടോർ ബൈക്കുകൾ. എന്നാൽ ബൈക്ക് എന്ന വാക്കിൽ നമുക്കുള്ള തെറ്റിദ്ധാരണ മാറിയോ!

അപ്പോ മ്മടെ സൈക്കിളാണ് യഥാർത്ഥ ബൈക്ക്.

 ഇന്ന് ലോകത്ത് വിവിധ മേഖലകളിലെ ജനകീയ ഗതാഗത രീതിയായി സൈക്കിൾ മാറി.

കളിപ്പാട്ടമെന്ന രീതിയിൽ തുടങ്ങി വ്യായാമത്തിനും, ഗതാഗതത്തിനും, കച്ചവടത്തിനും ,മത്സരങ്ങൾക്കും, പോലീസ്, പോസ്റ്റ്മാൻ എന്നീ വ്യത്യസ്ഥ മേഖലകളിൽ സൈക്കിൾ ജനകീയമായി മാറി.

പലരും എന്നോട് ചോദിക്കുന്നുണ്ട്  സൈക്കിൾ ഏതാ ? ഏതാണ് നല്ല സൈക്കിൾ ?

വ്യത്യസ്ത രീതിയിൽ സൈക്കിളുകളെ  നമുക്ക് തരംതിരിക്കാം:

പ്രവർത്തനത്തിന്റെ, ഇരിക്കുന്ന യാത്രക്കാരുടെ എണ്ണത്തിന്റെ, രൂപഘടനയുടെ, ഗിയറുകളുടെ എണ്ണത്തിന്റെ അടിസ്ഥാനത്തിൽ എന്നിങ്ങനെ. 

യൂടിലിറ്റി സൈക്കിൾ ,

മൗണ്ടെയിൻ സൈക്കിളുകൾ, 

റെയിസിങ്ങ് സൈക്കിളുകൾ, 

ടൂറിങ്ങ് സൈക്കിളുകൾ,

ഹൈബ്രിഡ് സൈക്കിളുകൾ,

ക്രൂസർ സൈക്കിളുകൾ, 

ബി.എം.എക് സൈക്കിളുകൾ , 

ഫിക്സഡ് ഗിയർ സൈക്കിളുകൾ, 

നീളം കൂടിയ സൈക്കിളുകൾ, 

ഫോൾഡിങ്ങ് സൈക്കിളുകൾ, 

ലോറൈഡർ സൈക്കിളുകൾ,

ആംഫിബിയസ് സൈക്കിളുകൾ, 

കാർഗോ ബൈക്കുകൾ, റെക്കുമ്പെന്റ് സൈക്കിളുകൾ, ഇലക്ട്രിക് സൈക്കിളുകൾ എന്നിവയാണ് പൊതുവായ ഇനങ്ങൾ

ഒന്നും കൂടെ ലളിതമാക്കി നമുക്കിതിനെ മൂന്നായി തരം തിരിക്കാം

1. MTB - മൗണ്ടൻ ബൈക്കുകൾ

2. ഹൈബ്രിഡ് സൈക്കിൾ

3. റോഡ് ബൈക്ക്

ഇവയിലും ഗിയർ ഉള്ളതും ഇല്ലാത്തതും ഉണ്ട്. മെറ്റൽ/അലോയ്/ കാർബൺ എന്നീ വ്യത്യസ്ഥമായ പദാർത്ഥങ്ങൾ കൊണ്ട് നിർമ്മിച്ചവയും ഉണ്ട്. നമ്മുടെ ഉയരത്തിന് അനുസരിച്ചുള്ള ഫ്രെയിം ,ടയർ - സൈസിലുള്ള സൈക്കളുകൾ തെരെഞ്ഞെടുക്കണം.

എം.ടി.മ്പി അഥവ മൗണ്ടൻ സൈക്കളുകൾക്ക് തടിച്ച ടയറും കുറച്ച് ഹെവിയായി തോന്നുന്ന ഫെയിമും ഉണ്ടായിരിക്കും, പേരിനെ യഥാർത്ഥ്യമാക്കുന്ന രീതിയിൽ  ഇവയുടെ പ്രധാന ഉപയോഗം മോശം റോഡുകളിലും, കുന്നുകളിലും സുഗമമായി റൈഡ് ചെയ്യാം എന്നതാണ്. എല്ലാ റോഡുകൾക്കും ഇവൻ ഉത്തമമാണ്. എന്നാൽ വേഗതയുടെ കാര്യത്തിൽ ഇവൻ പുറകിലാണ്. നല്ല വ്യായാമത്തിന് ഇവനെ പ്രയോജനപ്പെടുത്താം. 

ഹൈബ്രിഡുകളാണ് ദൂരയാത്രകൾക്ക് ഉചിതം.ഇവയുടെ ഫ്രെയിമും ടയറും എം ടി ബി കളെക്കാൾ കനം, ഭാരം എന്നിവ കുറവായിരിക്കും. അതു കൊണ്ട് തന്നെ വളരെ വേഗത്തിൽ യാത്ര ചെയ്യാനും സാധിക്കും.

റോഡ് ബൈക്കുകൾ പ്രധാനമായും റേസിങ്ങ് മത്സരങ്ങൾക്ക് വേണ്ടി ഉപയോഗിക്കുന്നവയാണ്.താരതമ്യേന ഇവയുടെ ടയർ വളരെ കനം കുറഞ്ഞവ ആയിരിക്കും. മോശം റോഡുകൾ ഇത്തരം സൈക്കളുകളുടെ വില്ലനാണ്. ഇവയുടെ ഹാൻഡിൽ ബാറും വ്യത്യസ്ഥമാണ്.

നമ്മുടെ ആവശ്യം തിരിച്ചറിഞ്ഞത്, വളരെയധികം ചിന്തിച്ച ശേഷം മാത്രം സൈക്കിളുകൾ തിരഞ്ഞെടുക്കാം - 15000- മുതൽ നല്ല ഗിയർ സൈക്കിളുകൾ വിപണിയിൽ ലഭ്യമാണ്.