ഇന്ന് രാവിലെ വട്ടത്തിൽ ചവിട്ടി പാലക്കാട്ടെ എൻ്റെ ഓഫീസിലേക്ക്..... രാത്രി 9:30 തിരിച്ചെത്തി.
ഒരു സൈക്കിൾ യാത്രയെ എല്ലാ രീതിയിലും ആസ്വദിച്ച് 204 Km ഒറ്റ ദിവസം കൊണ്ട് ചവിട്ടി .
രാവിലെ 5 മണിക്ക് ഇളം മഞ്ഞിൽ സൈക്കിൾ ചവിട്ടി തുടങ്ങി, ത്രിശൂരെത്തുമ്പോൾ സൂര്യൻ പതുക്കെ ഉണർന്നു വന്നു.
കുതാരാൻ കയറുമ്പോൾ ഇച്ചിരി ഉഷ്ണിച്ചു, പിന്നെ വണ്ടികളുടെ വരവും കൂടെ കണ്ടപ്പോൾ ,സൈക്കളിൽ നിന്ന് ഇറങ്ങി തള്ളി നടക്കുന്നതാണ് ബുദ്ധിയെന്ന് തോന്നി.
ചിലബസുകാർക്ക് കുതിരാനിൽ മാത്രമേ തിരക്കുള്ളൂ.... അവിടെ കുത്തി തിരുകി ബ്ലോക്കാക്കി പോകും - അതു കഴിഞ്ഞ് അടുത്ത സറ്റോപ്പിൽ ചുമ്മ കിടക്കുന്നുണ്ടാവും. കുതിരാൻ മല ഇറങ്ങി വരുന്ന ചെറിയ പാലത്തിലെ അവസ്ഥ കഷ്ടം തന്നെ.... ഒരു വിധം ബ്ലോക്കിലൂടെ ചവിട്ടി രക്ഷപ്പെട്ടു. നല്ല ദാഹവും വിശപ്പും ഭക്ഷണം കഴിച്ചിട്ടില്ല - അടുത്തു കണ്ട കടയിൽ നിന്ന് ഒരു നേന്ത്രപ്പഴവും ബൂസ്റ്റും കഴിച്ചു മെല്ലെ മുന്നോട്ട് ...
പാലക്കാട് എത്താരാവുമ്പോഴേക്കും വെയിലിൻ്റെ ചൂട് കൂടി വന്നു.കൈയിൽ കരുതിയ വെള്ളം കഴിഞ്ഞു.റോഡരികിൽ നിന്ന് ഒരു കരിക്ക് വാങ്ങി കുടിച്ചു ഇത്തിരി ആശ്വാസം .
ബാക്കി പിന്നെ എഴുതിച്ചേർക്കാം
Comments
Post a Comment